បុរសម្នាក់បាត់ខ្លួនក្រោយចុះបាញ់ត្រីក្រោមស្ពានកោះពស់ ខណៈក្រុមគ្រួសារ និងសមត្ថកិច្ចកំពុងស្វែងរក

🔊 ស្តាប់ព័ត៌មាន

កំពុងត្រៀម…

↶ 10 ▶ ស្តាប់ 10 ↷ ⏹ បញ្ឈប់ ល្បឿន 0.75×1×1.25×1.5×2×

0:000:00

AUTO

ព្រះសីហនុ៖ បុរសម្នាក់បានបាត់ខ្លួន ក្រោយចុះទៅបាញ់ត្រីក្នុងសមុទ្រក្រោមស្ពានកោះពស់ ស្ថិតក្នុងក្រុងព្រះសីហនុ ខេត្តព្រះសីហនុ ខណៈក្រុមគ្រួសារ និងសមត្ថកិច្ចកំពុងបន្តប្រតិបត្តិការស្វែងរក។តាមព័ត៌មានបឋម ហេតុការណ៍នេះបានកើតឡើងនៅវេលាម៉ោងប្រមាណ ១១ និង០០នាទីយប់ ថ្ងៃទី២០ ខែកក្កដា ឆ្នាំ២០២៦។ ជនរងគ្រោះមានឈ្មោះ ផែន សុខហេង អាយុ ៣២ឆ្នាំ មុខរបរជាអ្នកលក់ផ្លែឈើ។ប្រភពព័ត៌មានបានឱ្យដឹងថា ជនរងគ្រោះបានចុះទៅបាញ់ត្រីក្នុងសមុទ្រ ប៉ុន្តែមិនឃើញឡើងមកលើគោកវិញឡើយ។ ក្រោយមក គេប្រទះឃើញតែភ្លើងពិលដែលជនរងគ្រោះពាក់នៅលើក្បាល អណ្តែតឡើងលើផ្ទៃទឹក ខណៈម្ចាស់ពិលនៅតែបាត់ដំណឹង។គិតត្រឹមវេលាម៉ោង ៧ព្រឹក ថ្ងៃទី២១ ខែកក្កដា ឆ្នាំ២០២៦ សមត្ថកិច្ច និងក្រុមគ្រួសារមិនទាន់ស្វែងរកជនរងគ្រោះឃើញនៅឡើយទេ។ សាច់ញាតិបាននាំគ្នាទៅដល់កន្លែងកើតហេតុ និងកំពុងសហការជាមួយអាជ្ញាធរ និងសមត្ថកិច្ច ដើម្បីជួយអន្តរាគមន៍ស្វែងរក។