កម្លាំងអាវុធហត្ថខេត្តតាកែវ បង្ក្រាបករណីគ្រឿងញៀន ២ទីតាំង នៅស្រុកព្រៃកប្បាស ឃាត់ខ្លួនជនសង្ស័យ ២នាក់

🔊 ស្តាប់ព័ត៌មាន

កំពុងត្រៀម…

↶ 10 ▶ ស្តាប់ 10 ↷ ⏹ បញ្ឈប់ ល្បឿន 0.75×1×1.25×1.5×2×

0:000:00

AUTO

កម្លាំងអាវុធហត្ថខេត្តតាកែវ បង្ក្រាបករណីគ្រឿងញៀន ២ទីតាំង នៅស្រុកព្រៃកប្បាស ឃាត់ខ្លួនជនសង្ស័យ ២នាក់តាកែវ៖ កម្លាំងកងរាជអាវុធហត្ថខេត្តតាកែវ សហការជាមួយកម្លាំងមូលដ្ឋានកងរាជអាវុធហត្ថស្រុកព្រៃកប្បាស និងស្រុកសំរោង បានបើកប្រតិបត្តិការបង្ក្រាបករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន នៅ ២ទីតាំង ក្នុងស្រុកព្រៃកប្បាស ដោយឃាត់ខ្លួនជនសង្ស័យបាន ២នាក់ និងដកហូតគ្រឿងញៀនជាច្រើនកញ្ចប់។ប្រតិបត្តិការនេះបានធ្វើឡើងនៅថ្ងៃទី ២០ ខែកក្កដា ឆ្នាំ២០២៦ ក្រោមបទបញ្ជារបស់លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីដោយ ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ។ ការបង្ក្រាបនេះដឹកនាំដោយលោកអនុសេនីយ៍ឯក ជួន តូរៈតៈ នាយការិយាល័យប្រឆាំងគ្រឿងញៀន។សមត្ថកិច្ចបានចុះឆែកឆេរនៅ ២ទីតាំង រួមមាន៖– ចំណុចលើខ្នងប្រឡាយខាងលិចភូមិជុំរុំ ឃុំព្រៃផ្ដៅ ស្រុកព្រៃកប្បាស ខេត្តតាកែវ។ – ចំណុចផ្លូវលំខាងកើតវត្តចំណោម ភូមិចំណោម ឃុំកំពែង ស្រុកព្រៃកប្បាស ខេត្តតាកែវ។ជនសង្ស័យដែលត្រូវបានឃាត់ខ្លួនមាន៖– វិត ពៅ អាយុ ២០ឆ្នាំ រស់នៅភូមិព្រៃផ្ដៅ ឃុំព្រៃផ្ដៅ ស្រុកព្រៃកប្បាស ខេត្តតាកែវ។ – ហៃ គឹមហុង អាយុ ២៧ឆ្នាំ រស់នៅភូមិចំណោម ឃុំកំពែង ស្រុកព្រៃកប្បាស ខេត្តតាកែវ។ក្នុងប្រតិបត្តិការនេះ សមត្ថកិច្ចបានដកហូតវត្ថុតាងរួមមាន ម្សៅក្រាមពណ៌សថ្លាសង្ស័យជាសារធាតុញៀនចំនួន ៣៨កញ្ចប់ មានទម្ងន់សរុប ១៨.៧៨ក្រាម (ទាំងសំបកថង់), ទូរស័ព្ទដៃ ៣គ្រឿង, ជញ្ជីងថ្លឹងថ្នាំញៀន ១គ្រឿង និងសម្ភារៈសម្រាប់វេចខ្ចប់ និងប្រើប្រាស់គ្រឿងញៀនមួយចំនួន។បច្ចុប្បន្ន ជនសង្ស័យទាំងពីរនាក់ រួមជាមួយវត្ថុតាង ត្រូវបានការិយាល័យជំនាញកសាងសំណុំរឿង បញ្ជូនទៅសាលាដំបូងខេត្តតាកែវ ដើម្បីចាត់ការបន្តតាមនីតិវិធីច្បាប់។